ہم نے احسان اسیری کا نہ برباد کیا
ہم نے احسان اسیری کا نہ برباد کیا
مرتے دم منہ طرف خانۂ صیاد کیا
اب کی صیاد نے طرفہ ستم ایجاد کیا
بے پر و بال سمجھ کر ہمیں آزاد کیا
کیا تری یاد کریں گے فلک ناانصاف
دل ناشاد ہمارا نہ کبھی شاد کیا
دل پہ صدمے لیے جور و ستم خوباں کے
ضبط دیکھو نہ کبھی وا لب فریاد کیا
آسماں کی نہ شکایت نہ حسینوں کا گلا
دل نا فہم نے میرے مجھے برباد کیا
اتنا شکوہ ہے خیال رخ جاناں سے ہمیں
دل ویراں نہ ہمارا کبھی آباد کیا
شیفتہ کر کے مجھے اک بنے ہرجائی پر
خوب رسوائے جہاں اے دل ناشاد کیا
ہاتھ آیا کوئی مضمون نیا تو سمجھا
مجھ کو فرزند خدا نے مرے امداد کیا
عشق خوباں میں ہوا رنج تو راحت سمجھا
شکر میں نے عوض شکوۂ بیداد کیا
کفر و اسلام کے جھگڑوں سے چھڑایا صد شکر
قید مذہب سے جنوں نے مجھے آزاد کیا
محفل غیر میں بلوا کے جلایا ہم کو
تم نے خلوت میں کسی دن نہ ہمیں یاد کیا
جس میں مضمون رقم تھا تری خوش چشمی کا
تو اسی شعر پہ استاد نے بھی صاد کیا
کوہ غم ہم نے بھی او غیرت شیریں کاٹا
جوش الفت میں ترے پیشۂ فرہاد کیا
ایک دن بھی نہ ہمارا کوئی کہنا مانا
ہم بجا لائے جو کچھ آپ نے ارشاد کیا
تیرے دیوانوں کا کس دشت میں مسکن نہ ہوا
کون سا ہے وہ خرابہ جو نہ آباد کیا
حسرت قتل ہی نے جان لی اپنی صد شکر
موت نے ہم کو نہ شرمندۂ جلاد کیا
دیکھو اس عشق فسوں ساز کے نیرنگ آخر
جان لی قیس کی ٹکڑے سر فرہاد کیا
لاکھ چاہا مگر اک شوخ ہمارا نہ ہوا
کیا جوانی کو قلقؔ مفت میں برباد کیا
ارشد علی خان قلق 
(795) ووٹ وصول ہوئے
Humne Ehsan Asiri Ka Na Barbaad Kiya In Urdu By Famous Poet Arshad Ali Khan Qalaq. Humne Ehsan Asiri Ka Na Barbaad Kiya is written by Arshad Ali Khan Qalaq. Enjoy reading Humne Ehsan Asiri Ka Na Barbaad Kiya Poem on Inspiration for Students, Youth, Girls and Boys by Arshad Ali Khan Qalaq. Free Dowlonad Humne Ehsan Asiri Ka Na Barbaad Kiya by Arshad Ali Khan Qalaq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends