ہم حد اندمال سے بھی گئے
ہم حد اندمال سے بھی گئے
اب فریب خیال سے بھی گئے
دل پہ تالا زبان پر پہرا
یعنی اب عرض حال سے بھی گئے
جام جم کی تلاش لے ڈوبی
اپنے جام سفال سے بھی گئے
خوف کم مائیگی برا ہو ترا
آرزوئے وصال سے بھی گئے
شورش زندگی تمام ہوئی
گردش ماہ و سال سے بھی گئے
یوں مٹے ہم کہ اب زوال نہیں
شوق اوج کمال سے بھی گئے
ہم نے چاہا تھا تیری چال چلیں
ہائے ہم اپنی چال سے بھی گئے
حسن فردا خیال و خواب رہا
اور ماضی و حال سے بھی گئے
ہم تہی دست وقف غم ہیں وہی
تنگنائے سوال سے بھی گئے
سجدہ بھی عرشؔ ان کو کر دیکھا
اس رہ پائمال سے بھی گئے
عرش صدیقی 
(1044) ووٹ وصول ہوئے
Hum Had-e-indimal Se Bhi Gae In Urdu By Famous Poet Arsh Siddiqui. Hum Had-e-indimal Se Bhi Gae is written by Arsh Siddiqui. Enjoy reading Hum Had-e-indimal Se Bhi Gae Poem on Inspiration for Students, Youth, Girls and Boys by Arsh Siddiqui. Free Dowlonad Hum Had-e-indimal Se Bhi Gae by Arsh Siddiqui in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends