Zindagi Hone Ka Dukh Sahne Mein Hai
zindagi hone ka dukh sahne mein hai
zor dariya ka faqat bahne mein hai
ruk gae to dekhne aaenge log
aafiyat ab ghumte rahne mein hai
kah rahe hain log us se baat kar
jaise wo zalim mere kahne mein hai
chhu liya tha dard ki zanjir ko
wo bhi ab shamil mere kahne mein hai
'arsh' wo apni KHudai mein kahan
baat jo us ko KHuda kahne mein hai
(2400) Peoples Rate This