وہ کیا مصلحت تھی
میں آغاز ہستی سے حوا کی صورت
ہوں آدم کی خواہش کا اک شاخسانہ
زمیں کو بسانے کا بس اک بہانہ!
میں روز ابد نیکیوں کا صلہ ہوں
نہ جانے میں کیا ہوں
گلہ خالق کل سے کیسے کروں میں
اسی کی رضا ہوں
یہ ہے فخر آدم
کہ بس ابن آدم
امین خدا ہے قرین خدا ہے
مری ہستی کیا ہے
فقط واسطہ ہے!
یہ تسلیم ہے
ہر صحیفے میں
میں عابدہ مومنہ صالحہ تھی
مگر جب فرشتوں نے آدم کو سجدہ کیا تھا
تو حوا کہاں تھی
میں روحوں کے اقرار کے وقت
جانے کہاں کون سی صف میں تھی
یا نہیں تھی؟
اگر تھی تو اقرار بھی تو کیا تھا
عدم میں اگر روح خود مکتفی تھی
تو پھر خالق کن فکاں کی وہ کیا مصلحت تھی
کہ میں دوسری تھی!!
عارفہ شہزاد 
(864) ووٹ وصول ہوئے
Wo Kya Maslahat Thi In Urdu By Famous Poet Arifa Shahzad. Wo Kya Maslahat Thi is written by Arifa Shahzad. Enjoy reading Wo Kya Maslahat Thi Poem on Inspiration for Students, Youth, Girls and Boys by Arifa Shahzad. Free Dowlonad Wo Kya Maslahat Thi by Arifa Shahzad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends