تمہیں پیار ہے، تو یقین دو،
تمہیں پیار ہے، تو یقین دو،
مجھے نہ کہو، تمہیں پیار ہے، مجھے دیکھنے کی نہ ضد کرو،
تمہیں فکر ہو، مرے حال کی،
کوئی گفتگو ہو ملال کی،
جو خیال ہو، نہ کیا کرو،
نہ کہا کرو مری فکر ہے
میں عزیز تر ہوں جہان سے
یا ایمان سے، نہ کہا کرو،
نہ لکھا کرو مجھے ورق پر، کسی فرش پر،
نہ اداس ہو، نہ ہی خوش رہو
مجھے سوچ کر، یا کھروچ کر، میری یاد کو نہ آواز دو،
مجھے خط میں لکھ کے خداؤں کا نہ دو واسطہ
تمہیں پیار میں نہ قرار ہے، مجھے اس زباں کا یقین نہیں
کچھ اور ہو، جو سنا نہ ہو، جو کہا نہ ہو، جو لکھا نہ ہو
تو یقین ہو!
رکو اور تھوڑا سا ضبط لو، مجھے سوچ لینے کو وقت دو،
چلو یوں کرو مرے واسطے کہ بلند و بالا عمارتوں کا لو جائزہ
جو فلک کو بوسہ لگا رہی ہوں عمارتیں،
جو تمہارے پیار سے لے رہی ہوں مشابہتیں
جو ہو سب سے زیادہ بلند و بالا الگ تھلگ
اسے سر کرو،
اسے چھت تلک، ہاں یہیں رکو، یہ وہ ہی ہے چھت،
ذرا سانس لینے کو قیام لو، مرا نام لو،
تو سفر کی ساری تھکن یہیں پہ اتار لو،
اب! مرے تمہارے جو درمیاں میں ہے فاصلہ، وہ ذرا سا ہے،
وہ مٹا سکو، تو غرور ڈھاتی بلندیوں کو پھلانگ دو!
تمہیں پیار ہے تو یقین دو!!
عارف اشتیاق 
(1000) ووٹ وصول ہوئے
Tumhein Pyar Hai, To Yaqin Do, In Urdu By Famous Poet Arif Ishtiaque. Tumhein Pyar Hai, To Yaqin Do, is written by Arif Ishtiaque. Enjoy reading Tumhein Pyar Hai, To Yaqin Do, Poem on Inspiration for Students, Youth, Girls and Boys by Arif Ishtiaque. Free Dowlonad Tumhein Pyar Hai, To Yaqin Do, by Arif Ishtiaque in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends