Kuchh Meri Sun Kuchh Apni Suna Zindagi
kuchh meri sun kuchh apni suna zindagi
dard-e-dil aur thoDa baDha zindagi
zindagani ke fan se hun la-ilm main
zindagi karna mujh ko sikha zindagi
tu ne ab tak wafa ki bahut shukriya
shukriya shukriya shukriya zindagi
har qadam Thokaren zaKHm har gam hain
kab talak dun bata KHun-baha zindagi
ye kya har gam bas lan-tarani wahi
git koi naya gunguna zindagi
ye bhi batla zara tujh ko kaisa laga
maut se jab hua samna zindagi
raushni kyun syahi mein Dhalne lagi
tujh se 'arif' hui kya KHafa zindagi
Arif Ansari 
(910) Peoples Rate This