ترے بازوؤں کا سہارا تو لے لوں مگر ان میں بھی رچ گئی ہے تھکن
ترے بازوؤں کا سہارا تو لے لوں مگر ان میں بھی رچ گئی ہے تھکن
میں صحرا سے بچ کر چمن میں تو آؤں پہ صحرا سے کچھ کم نہیں یہ چمن
مری زیست کی راہ تاریک تھی چاند بن کر تم آئے تو روشن ہوئی
یہ رہ آج پھر تیرہ و تار ہے غالباً چاند کو لگ گیا ہے گہن
ہر اک سمت ناگن کی صورت لپکتی ہوئی تیرگی سے ہراساں نہ ہو
عجب کیا کہ لو دے اٹھے میرے لمس فروزاں سے تیرا سلگتا بدن
یہ اشکوں سے بھیگی ہوئی مسکراہٹ مروت کا اعجاز ہے ورنہ ہم
غموں کی ہواؤں میں اڑتا ہوا دیکھ کر آ رہے ہیں کوئی پیرہن
فراق لب و زلف پر منحصر کم ہی پائی ہے اہل وفا کی تڑپ
تم آغوش کے تنگ حلقے میں ہو پھر بھی ہر لمحہ افزوں ہے دل کی جلن
مرے پیار کو اک نئے موڑ پر دیکھ کر یوں مری جاں تعجب نہ کر
بدلتے رہے ہیں بدلتے رہیں گے زمانے کے ہم راہ دل کے چلن
عارف عبدالمتین 
(984) ووٹ وصول ہوئے
Tere Bazuon Ka Sahaara To Le Lun Magar In Mein Bhi Rach Gai Hai Thakan In Urdu By Famous Poet Arif Abdul Mateen. Tere Bazuon Ka Sahaara To Le Lun Magar In Mein Bhi Rach Gai Hai Thakan is written by Arif Abdul Mateen. Enjoy reading Tere Bazuon Ka Sahaara To Le Lun Magar In Mein Bhi Rach Gai Hai Thakan Poem on Inspiration for Students, Youth, Girls and Boys by Arif Abdul Mateen. Free Dowlonad Tere Bazuon Ka Sahaara To Le Lun Magar In Mein Bhi Rach Gai Hai Thakan by Arif Abdul Mateen in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends