ZaKHm Ke HonT Par Luab Us Ka
zaKHm ke honT par luab us ka
KHush bahut hai mujhe KHush-ab us ka
us ne uplon pe degchi rakkhi
aur pakne laga shabab us ka
ishq ne phir kisi ko bheja hai
KHair-maqdam kare chanab us ka
tujh tamanna mein jo ibaadat ki
kya tujhe baKHsh dun sawab us ka
qaus par se umud uThta hua
yani phir jal uTha hai KHwab us ka
daera daere ko chhuta hua
aur qausain par hijab us ka
Aqeel Abbas 
(1897) Peoples Rate This