مزہ دیتا ہے یاد آ کر ترا بسمل بنا دینا
مزہ دیتا ہے یاد آ کر ترا بسمل بنا دینا
لگا دینا ذرا تیر نظر ہاں پھر لگا دینا
وہ میرا بے خودی میں اس کے منہ سے منہ ملا دینا
قیامت ایک چپ کا پھر وہ دونوں کو سزا دینا
ادائے شرم ہو خلوت میں یا انداز شوخی کے
ترے ہر ناز پر ہم کو تو جاں اے دل ربا دینا
ہمارا آرزوئے بوسہ کرنا تجھ سے در پردہ
ترا دشنام دینا اور کیا کیا برملا دینا
سفارش ہمدموں کی ان کا جاتے وقت یہ کہنا
کہ جب تڑپے مری تصویر سینہ سے لگا دینا
نہ ہونے پائے واقف لذت تعزیر سے دشمن
مظاہر چند ہو اس کی مگر ہم کو سزا دینا
ادھر اس لب سے نکلا شوخ چتون کو نہ دینا دل
ادھر چشم سخن گو نے اشاروں میں کہا دینا
لبوں سے لب ملا لیں وصل میں سینے سے یا سینہ
مگر ممکن نہیں اس بت کے دل سے دل ملا دینا
اگر عہد وفا سے تو بھی پھر جائے محبت میں
حجابؔ اس شوخ کو معلوم ہو جائے دغا دینا
انوری جہاں بیگم حجاب 
(717) ووٹ وصول ہوئے
Maza Deta Hai Yaad Aa Kar Tera Bismil Bana Dena In Urdu By Famous Poet Anwari Jahan Begum Hijab. Maza Deta Hai Yaad Aa Kar Tera Bismil Bana Dena is written by Anwari Jahan Begum Hijab. Enjoy reading Maza Deta Hai Yaad Aa Kar Tera Bismil Bana Dena Poem on Inspiration for Students, Youth, Girls and Boys by Anwari Jahan Begum Hijab. Free Dowlonad Maza Deta Hai Yaad Aa Kar Tera Bismil Bana Dena by Anwari Jahan Begum Hijab in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends