نہ سہہ سکوں گا غم ذات گو اکیلا میں
نہ سہہ سکوں گا غم ذات گو اکیلا میں
کہاں تک اور کسی پر کروں بھروسا میں
ہنر وہ ہے کہ جیوں چاند بن کر آنکھوں میں
رہوں دلوں میں قیامت کی طرح برپا میں
وہ رنگ رنگ کے چھینٹے پڑے کہ اس کے بعد
کبھی نہ پھر نئے کپڑے پہن کے نکلا میں
نہ صرف یہ کہ زمانہ ہی مجھ پہ ہنستا ہے
بنا ہوا ہوں خود اپنے لیے تماشا میں
مجھے سمیٹنے آیا بھی تھا کوئی جس وقت
دیار و دشت و دمن میں بکھر رہا تھا میں
یہ کس طرح کی محبت تھی کیسا رشتہ تھا
کہ ہجر نے نہ رلایا اسے نہ تڑپا میں
پڑا رہوں نہ قفس میں تو کیا کروں آخر
کہ دیکھتا ہوں بہت دور تک دھندلکا میں
بہت ملول ہوں اے صورت آشنا تجھ سے
کہ تیرے سامنے کیوں آ گیا سراپا میں
یہی نہیں کہ تجھی کو نہ تھی امید ایسی
مجھے بھی علم نہیں تھا کہ یہ کروں گا میں
میں خاک ہی سے بنا تھا تو کاش یوں بنتا
کہ اس کے ہاتھ سے گرتے ہی ٹوٹ جاتا میں
انور شعور 
(814) ووٹ وصول ہوئے
Na Sah Sakunga Gham-e-zat Go Akela Main In Urdu By Famous Poet Anwar Shuoor. Na Sah Sakunga Gham-e-zat Go Akela Main is written by Anwar Shuoor. Enjoy reading Na Sah Sakunga Gham-e-zat Go Akela Main Poem on Inspiration for Students, Youth, Girls and Boys by Anwar Shuoor. Free Dowlonad Na Sah Sakunga Gham-e-zat Go Akela Main by Anwar Shuoor in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends