میں خاک ہوں آب ہوں ہوا ہوں
میں خاک ہوں آب ہوں ہوا ہوں
اور آگ کی طرح جل رہا ہوں
تہہ خانۂ ذہن میں نہ جانے
کیا شے ہے جسے ٹٹولتا ہوں
بہروپ نہیں بھرا ہے میں نے
جیسا بھی ہوں سامنے کھڑا ہوں
سنتا تو سبھی کی ہوں مگر میں
کرتا ہوں وہی جو چاہتا ہوں
اچھوں کو تو سب ہی چاہتے ہیں
ہے کوئی کہ میں بہت برا ہوں
پاتا ہوں اسے بھی اپنی جانب
مڑ کر جو کسی کو دیکھتا ہوں
بچنا ہے محال اس مرض میں
جینے کے مرض میں مبتلا ہوں
سنتا ہی نہ ہو کوئی تو کیوں میں
چلاؤں فغاں کروں کراہوں
اوروں سے تو اجتناب تھا ہی
اب اپنے وجود سے خفا ہوں
باقی ہیں جو چند روز وہ بھی
تقدیر کے نام لکھ رہا ہوں
لکھتا ہوں ہر ایک بات سن کر
یہ بات تو میں بھی کہہ چکا ہوں
انور شعور 
(904) ووٹ وصول ہوئے
Main KHak Hun Aab Hun Hawa Hun In Urdu By Famous Poet Anwar Shuoor. Main KHak Hun Aab Hun Hawa Hun is written by Anwar Shuoor. Enjoy reading Main KHak Hun Aab Hun Hawa Hun Poem on Inspiration for Students, Youth, Girls and Boys by Anwar Shuoor. Free Dowlonad Main KHak Hun Aab Hun Hawa Hun by Anwar Shuoor in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends