KaT Chuki Thi Ye Nazar Sab Se Bahut Din Pahle
kaT chuki thi ye nazar sab se bahut din pahle
main ne dekha tha tujhe ab se bahut din pahle
aaj tak gosh-bar-awaz hun sannaTe mein
harf utra tha tere lab se bahut din pahle
main ne masti mein ye puchha tha ki hasti kya hai
raftgan-e-mai-o-mashrab se bahut din pahle
maslak-e-ishq faqiron ne kiya tha aaghaz
ai mablagh tere mazhab se bahut din pahle
phir kisi mai-kada-e-husn mein waisi na mili
jaisi pi thi kisi KHush-lab se bahut din pahle
ek shaKHs aur mila tha mujhe tere jaisa
tu na tha zehn mein jab, jab se bahut din pahle
hazrat-e-shaiKH ka ek rind se kaisa rishta
han mile the kisi matlab se bahut din pahle
kya teri sadgi-e-taba nai shai hai 'shuur'
log chalte the isi Dhab se bahut din pahle
Anwar Shuoor 
(865) Peoples Rate This