کیوں خفا ہم سے ہو خطا کیا ہے
کیوں خفا ہم سے ہو خطا کیا ہے
یہ تو فرمائیے ہوا کیا ہے
حسن کیا حسن کی ادا کیا ہے
اس کے جلووں کا دیکھنا کیا ہے
ایک عالم ہے صرف مے نوشی
نگہ مست ماجرا کیا ہے
نیچی نظروں سے کر دیا گھائل
اب یہ سمجھے کہ یہ حیا کیا ہے
جان دینا ہے عین مقصد عشق
ان کو اندازۂ وفا کیا ہے
ہم سے برہم رقیب سے شاداں
کہئے کہئے یہ ماجرا کیا ہے
جن کی ہستی ہے اک شرر کی مثال
ایسے تاروں کا ڈوبنا کیا ہے
عارض یار کے مقابل ہو
مہر تاباں کا حوصلا کیا ہے
خون عاشق ہے یا حنا کا رنگ
میرے قاتل یہ زیر پا کیا ہے
خود ہی گم ہو کے رہ گئے انورؔ
حاصل جستجو ہوا کیا ہے
انور سہارنپوری 
(889) ووٹ وصول ہوئے
Kyun KHafa Humse Ho KHata Kya Hai In Urdu By Famous Poet Anwar Saharanpuri. Kyun KHafa Humse Ho KHata Kya Hai is written by Anwar Saharanpuri. Enjoy reading Kyun KHafa Humse Ho KHata Kya Hai Poem on Inspiration for Students, Youth, Girls and Boys by Anwar Saharanpuri. Free Dowlonad Kyun KHafa Humse Ho KHata Kya Hai by Anwar Saharanpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends