Ek KHwahish
ye KHwahish hai
ki main gili zamin par
apne daen hath ki ungli se
ek be-hashiya taswir khinchun
jo mere mahbub ke chehre ke tajridi tasawwur se
muzayyan ho
hawa, gulshan ki diwaron ke rauzan se
idhar aae
to is taswir mein apne moattar rang-e-bu de
mere KHake ki tajriden miTa de
uTha kar gili miTTi se
saja de meri aankhon mein
ye KHwahish hai meri
Anwar Sadeed 
(773) Peoples Rate This