Kya Sunaen Tumhein Koi Taza Ghazal
kya sunaen tumhein koi taza ghazal
sher hairat-zada aabdida ghazal
tum ko logo abhi bhangDa chahiye
dard ki zindagi ka tarana ghazal
waqt barbaad karte rahe is tarah
hum sunate rahe sab ko taza ghazal
tarjuman-e-shikasta-dili thi magar
mahfilon mein chali wo shikasta ghazal
aadmi ko kabhi bhul sakti nahin
zindagi se nibhati hai rishta ghazal
har ghaDi chheDna bhi munasib nahin
ban gai zindagi mein tarasha ghazal
anwar-e-be-zaban aaj iqrar kar
raat phir ho gai be-irada ghazal
Anwar Nadim 
(894) Peoples Rate This