کسی صورت بھی نیند آتی نہیں میں کیسے سو جاؤں
کسی صورت بھی نیند آتی نہیں میں کیسے سو جاؤں
کوئی شے دل کو بہلاتی نہیں میں کیسے سو جاؤں
اکیلا پا کے مجھ کو یاد ان کی آ تو جاتی ہے
مگر پھر لوٹ کر جاتی نہیں میں کیسے سو جاؤں
جو خوابوں میں مرے آ کر تسلی مجھ کو دیتی تھی
وہ صورت اب نظر آتی نہیں میں کیسے سو جاؤں
تمہیں تو ہو شب غم میں جو میرا ساتھ دیتے ہو
ستارو تم کو نیند آتی نہیں میں کیسے سو جاؤں
جسے اپنا سمجھنا تھا وہ آنکھ اب اپنی دشمن ہے
کہ یہ رونے سے باز آتی نہیں میں کیسے سو جاؤں
تری تصویر جو ٹوٹے ہوئے دل کا سہارا تھی
نظر وہ صاف اب آتی نہیں میں کیسے سو جاؤں
گھٹا جو دل سے اٹھتی ہے مژہ تک آ تو جاتی ہے
مگر آنکھ اس کو برساتی نہیں میں کیسے سو جاؤں
ستارے یہ خبر لائے کہ اب وہ بھی پریشاں ہیں
سنا ہے ان کو نیند آتی نہیں میں کیسے سو جاؤں
انور مرزاپوری 
(1177) ووٹ وصول ہوئے
Kisi Surat Bhi Nind Aati Nahin Main Kaise So Jaun In Urdu By Famous Poet Anwar Mirzapuri. Kisi Surat Bhi Nind Aati Nahin Main Kaise So Jaun is written by Anwar Mirzapuri. Enjoy reading Kisi Surat Bhi Nind Aati Nahin Main Kaise So Jaun Poem on Inspiration for Students, Youth, Girls and Boys by Anwar Mirzapuri. Free Dowlonad Kisi Surat Bhi Nind Aati Nahin Main Kaise So Jaun by Anwar Mirzapuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends