ہوا کرے اگر اس کو کوئی گلہ ہوگا
ہوا کرے اگر اس کو کوئی گلہ ہوگا
زباں کھلی ہے تو پھر کچھ تو فیصلہ ہوگا
کبھی کبھی تو یہ دل میں سوال اٹھتا ہے
کہ اس جدائی میں کیا اس نے پا لیا ہوگا
وہ گرم گرم نفس کیسے ٹھہرتے ہوں گے
اب ان شبوں کو وہ کیسے گزارتا ہوگا
کبھی جو گزروں ترے شہر سے تو سوچتا ہوں
کہ اس زمین پہ کیا کیا قدم پڑا ہوگا
خوشا وہ رونق ہنگامۂ وصال اب تو
یقین ہی نہیں آتا کہ یوں ہوا ہوگا
وہ کھوئی کھوئی وفاؤں کا بھولا بسرا گیت
کبھی تو اس کے شبستاں میں بھی گیا ہوگا
نکل پڑے تھے یوں ہی ہم تو ایک دن گھر سے
کسے خبر تھی کہ یوں تم سے سامنا ہوگا
تری برات میں دن بھر یہی خیال رہا
کہ اس خوشی کا اثر تیرے دل پہ کیا ہوگا
کبھی اٹھے ہی نہیں ہم تلاش کو ورنہ
کوئی تو شہر میں اپنا بھی آشنا ہوگا
یہ ہولناک خموشی جدائی کا آشوب
میں سوچتا ہوں کہ یوں ہی رہا تو کیا ہوگا
پھر آج شام سے ہی ذہن کو فراغت ہے
پھر آج شب وہی یادوں کا سلسلہ ہوگا
کس آرزو میں اٹھے کس طرح چلے انجمؔ
اس آدھی رات میں اب کس کا در کھلا ہوگا
انور انجم 
(1056) ووٹ وصول ہوئے
Hua Kare Agar Usko Koi Gila Hoga In Urdu By Famous Poet Anwar Anjum. Hua Kare Agar Usko Koi Gila Hoga is written by Anwar Anjum. Enjoy reading Hua Kare Agar Usko Koi Gila Hoga Poem on Inspiration for Students, Youth, Girls and Boys by Anwar Anjum. Free Dowlonad Hua Kare Agar Usko Koi Gila Hoga by Anwar Anjum in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends