کب لذتوں نے ذہن کا پیچھا نہیں کیا
کب لذتوں نے ذہن کا پیچھا نہیں کیا
یہ میرا حوصلہ تھا کہ لب وا نہیں کیا
وہ کم نگاہ تھا مگر اس سے چرا کے آنکھ
میں نے بھی اپنے ساتھ کچھ اچھا نہیں کیا
تجدید ارتباط بھی ممکن تھی بعد میں
میں نے ہی اس روش کو گوارا نہیں کیا
پہلے تو اک جنون سا عرض طلب کا تھا
جب وہ ملا تو دل نے تقاضہ نہیں کیا
سورج رہا جو دن میں مرے گھر سے دور دور
پھر میں نے رات میں بھی اجالا نہیں کیا
کیا وہم تھا کہ کھلتے ہی لب بند ہو گئے
کیا بات تھی کہ لفظ بھی پورا نہیں کیا
میں نے بھی چلتے چلتے یوں ہی کر دیا سوال
کیا ہو گیا جو آپ نے پورا نہیں کیا
میں سادہ لوح سادہ بیاں سادہ آرزو
اور اس نے سادگی پہ بھروسہ نہیں کیا
جب میرا اشتیاق ہوا ضبط آزما
پھر اس نے اپنے آپ ہی پردہ نہیں کیا
امرت سمجھ کے پی لیا انجمؔ نے زہر غم
لیکن تمہارے نام کو رسوا نہیں کیا
انور انجم 
(2020) ووٹ وصول ہوئے
Kab Lazzaton Ne Zehn Ka Pichha Nahin Kiya In Urdu By Famous Poet Anwar Anjum. Kab Lazzaton Ne Zehn Ka Pichha Nahin Kiya is written by Anwar Anjum. Enjoy reading Kab Lazzaton Ne Zehn Ka Pichha Nahin Kiya Poem on Inspiration for Students, Youth, Girls and Boys by Anwar Anjum. Free Dowlonad Kab Lazzaton Ne Zehn Ka Pichha Nahin Kiya by Anwar Anjum in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends