ہمیں بھولا نہیں افسانہ دل کا
ہمیں بھولا نہیں افسانہ دل کا
ابھی ہاتھوں میں ہے پیمانہ دل کا
دھواں اٹھتا نظر آتا ہے ہر سو
ابھی آباد ہے ویرانہ دل کا
جہاں بکھری ہے اب خاکستر دل
اسی جا تھا کبھی کاشانہ دل کا
ابھی تک یاد ہیں وہ دن کہ جب تھا
ہر اک آوارہ غم دیوانہ دل کا
وہ امیدوں کا اک ہلکا تبسم
دھڑک اٹھنا وہ بیتابانہ دل کا
کسی آنسو کی غم ہوتی صدا پر
لرزنا ڈوبنا گھبرانا دل کا
غم دوراں غم جاناں غم جاں
ہر اک منزل پہ تھا نذرانہ دل کا
کھلے جاتے تھے گل ہر ہر قدم پر
کہیں بھی قافلہ ٹھہرا نہ دل کا
طلسم رنگ و بو تھا ٹوٹنے تک
ٹھکانہ پھر نہ تھا گل کا نہ دل کا
ادھر ارماں ادھر احساس حرماں
چھٹا کس موڑ پر یارانہ دل کا
ہمیں بادہ کش درد تمنا
ہمیں پر بند ہے مے خانہ دل کا
انور معظم 
(819) ووٹ وصول ہوئے
Hamein Bhula Nahin Afsana Dil Ka In Urdu By Famous Poet Anvar Moazzam. Hamein Bhula Nahin Afsana Dil Ka is written by Anvar Moazzam. Enjoy reading Hamein Bhula Nahin Afsana Dil Ka Poem on Inspiration for Students, Youth, Girls and Boys by Anvar Moazzam. Free Dowlonad Hamein Bhula Nahin Afsana Dil Ka by Anvar Moazzam in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends