میں تمہارے لیے لے کے آیا ہوں
دفتر سے چرایا ہوا نصف دن
دوستوں سے بچائی ہوئی ایک شام
بچوں سے ٹھگے ہوئے وعدے
بیوی کے حصے سے کچھ نرم گرم لمس
کچھ سوتے جاگتے بوسے
اور خوابوں سے ٹانکی ہوئی یہ رات!
میں تمہارے لیے لے کے آیا ہوں
سر سبز موسموں کے اجلے بیج
قدیم زمانوں سے رستی ہوئی خنک ہوا
آبی کناروں سے سرشار مٹی کی روئیدگی
اور رگوں میں کھلتے ہوئے سفید گلابوں کا شہد!
میں تمہارے لیے لے کے آیا ہوں
بے ترتیب سانسوں کی مالا
دہکتے ہاتھوں کی سرسراہٹ
آنکھوں میں دور تک گونجتی ہوئی خاموشی
اور وجدان میں
ایک بھولی ہوئی مسکراہٹ!
تم نے میرے لیے رکھی ہے
بے کیف تنہائی کی آغوش
ٹھنڈے لمس سے آویزاں مسکراہٹ
پسینے میں بھیگے بستر کے تیور
کھردرے لہجے کی کڑواہٹ
عریاں خواہشوں کی خراشیں
گزری رات کی باسی مہک
اور طلوع ہوتے پچھتاوے کی ایک صبح!
انجم سلیمی 
(936) ووٹ وصول ہوئے
Main Tumhaare Liye Le Ke Aaya Hun In Urdu By Famous Poet Anjum Saleemi. Main Tumhaare Liye Le Ke Aaya Hun is written by Anjum Saleemi. Enjoy reading Main Tumhaare Liye Le Ke Aaya Hun Poem on Inspiration for Students, Youth, Girls and Boys by Anjum Saleemi. Free Dowlonad Main Tumhaare Liye Le Ke Aaya Hun by Anjum Saleemi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends