Hisab-e-jaan!!
ai mere sifr sifr sifr!
daen nahin baen leTo
nafi isbaat ke is visal mein
tumhaari ikai to main hun!
kaho!! main tumhein kaun si rafaqat se zarb dun
ki meri ruh aur badan par ruwan ruwan pure aa jao
tumhein kaun se hindise par taqsim karun?
ki tanhai jis ke masawi na aae!
nafi isbaat ke is visal mein
is se pahle ki hum apne daeron ko toD kar bahar niklen!
hamein apne bichhDe hue lams ko qaus bana kar
apne kinaron ko joD lena chahiye!
Anjum Saleemi 
(1083) Peoples Rate This