Yahan To Phir Wahi Diwar-o-dar Nikal Aae
yahan to phir wahi diwar-o-dar nikal aae
kidhar ko yar chale the kidhar nikal aae
kahan ka pa-e-wafa aur kahan ka dasht-e-talab
ki ab to raste kai muKHtasar nikal aae
hua rafiq na begar-e-shauq mein koi
maqam-e-zar pe kai mo'tabar nikal aae
gurez karte hain sae se bhi mere ahbab
kahin idhar bhi na ye aashufta-sar nikal aae
hua na koi bhi pursan-e-haal zindon ka
mare huon ke kai nauhagar nikal aae
rahe zara dil-e-KHun-gashta par nazar 'anjum'
usi sadaf se ajab kya guhar nikal aae
Anjum Rumani 
(858) Peoples Rate This