اس نے دیکھا ہے سر بزم ستم گر کی طرح
اس نے دیکھا ہے سر بزم ستم گر کی طرح
پھول پھینکا بھی مری سمت تو پتھر کی طرح
اس کے لب کو مرے لب رہ گئے چھوتے چھوتے
میں بھی ناکام چلا آیا سکندر کی طرح
رنگ سورج کا سر شام ہوا جاتا ہے زرد
اس کا بھی گھر نہ ہو ویران مرے گھر کی طرح
درد اس عہد کی میراث ہے ڈرنا کیسا
درد کو اوڑھ لیا کرتے ہیں چادر کی طرح
لوگ ہر لمحہ بدلتے ہیں نظریے اپنے
ذہن انساں بھی طوائف کے ہے بستر کی طرح
اب کی یورش میں کہیں گر ہی نہ جائے یہ فصیل
شور رہتا ہے مرے دل میں سمندر کی طرح
کیسا اس عہد میں پیمان وفا لوگ اب تو
دوست ہر سال بدلتے ہیں کلینڈر کی طرح
لفظ آتے ہی مرے لب پہ لرز جاتے ہیں
حال دل سنتے ہیں اب وہ کسی افسر کی طرح
وہی پابندئ اوقات وہی معمولات
زندگی گھر میں بسر ہوتی ہے دفتر کی طرح
ہو گیا خاک نشیں پر یہ جھکائے نہ جھکا
کسی سر میں بھی نہ سودا ہو مرے سر کی طرح
انجمؔ اس عہد میں ٹوٹے ہوئے دل کے رشتے
جوڑنے پر بھی ہیں ادھڑے ہوئے کالر کی طرح
انجم عرفانی 
(845) ووٹ وصول ہوئے
Isne Dekha Hai Sar-e-bazm Sitamgar Ki Tarah In Urdu By Famous Poet Anjum Irfani. Isne Dekha Hai Sar-e-bazm Sitamgar Ki Tarah is written by Anjum Irfani. Enjoy reading Isne Dekha Hai Sar-e-bazm Sitamgar Ki Tarah Poem on Inspiration for Students, Youth, Girls and Boys by Anjum Irfani. Free Dowlonad Isne Dekha Hai Sar-e-bazm Sitamgar Ki Tarah by Anjum Irfani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends