بڑی فرض آشنا ہے صبا کرے خوب کام حساب کا
بڑی فرض آشنا ہے صبا کرے خوب کام حساب کا
پھر اڑا کے لے گئی اک ورق مری زندگی کی کتاب کا
کہوں کیا کہ دشت حیات میں رہا سلسلہ وہ سراب کا
کبھی حوصلہ ہی نہ کر سکی مری آنکھ دریا کے خواب کا
نہ عطائے دختر رز ہے یہ نہ ہے فیض ساقیٔ مے نفس
جو چڑھے تو پھر نہ اتر سکے یہ نشہ ہے فن کی شراب کا
سر راہ مل کے بچھڑ گئے تھا بس ایک پل کا وہ حادثہ
مرے صحن دل میں مقیم ہے وہی ایک لمحہ عذاب کا
مرے ساتھ ساتھ سفر میں ہے مرے گھر کی ساری ہماہمی
سرگوش قہقہے رس بھرے سردوش پھول گلاب کا
دو فرشتہ دست بلا لیے دو چھلکتے جام تکا کئے
مرے ہم رکاب وہ موج گل وہی سیل چشم پر آب کا
میں اگرچہ کر بھی چکا رقم ادھر ایک دفتر رنج و غم
مگر انتظار ہے دم بہ دم مجھے پہلے خط کے جواب کا
یہ جو میرے ساغر دل میں ہے مے فن ہے خوں کی کشید ہے
یہی ایک عمر کا ماحصل یہی توشہ خانہ خراب کا
ذرا سوچ انجمؔ ناتواں یہ وفا کا ذکر کہاں کہاں
سر بزم کر نہ اسے بیاں یہ سبق ہے صرف نصاب کا
انجم عرفانی 
(732) ووٹ وصول ہوئے
BaDi Farz-ashna Hai Saba Kare KHub Kaam Hisab Ka In Urdu By Famous Poet Anjum Irfani. BaDi Farz-ashna Hai Saba Kare KHub Kaam Hisab Ka is written by Anjum Irfani. Enjoy reading BaDi Farz-ashna Hai Saba Kare KHub Kaam Hisab Ka Poem on Inspiration for Students, Youth, Girls and Boys by Anjum Irfani. Free Dowlonad BaDi Farz-ashna Hai Saba Kare KHub Kaam Hisab Ka by Anjum Irfani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends