اور کچھ یاد نہیں اب سے نہ تب سے پوچھو
اور کچھ یاد نہیں اب سے نہ تب سے پوچھو
میری آنکھوں سے لہو بہتا ہے کب سے پوچھو
لمحہ لمحہ میں ہوا جاتا ہوں ریزہ ریزہ
وجہ کچھ مجھ سے نہ پوچھو مرے رب سے پوچھو
وہ تو سورج ہے ہر اک بات کا شعلہ ہے جواب
روبرو آ کے کہو یا کہ عقب سے پوچھو
یاد ہے قصۂ غم کا مجھے ہر لفظ ابھی
حال جس درد کا جس رنج کا جب سے پوچھو
طے ہوا کیسے اندھیروں کے سمندر کا سفر
غازۂ صبح سے کیا چادر شب سے پوچھو
زخم دیکھو مرے تلووں کے نہ چہرے کا غبار
مجھ پہ کیا گزری ہے یہ راہ طلب سے پوچھو
کتنے صحرا کہ سمٹ آئے ہیں سینے میں مرے
تشنگی میری نہ سوکھے ہوئے لب سے پوچھو
یوں نہ ہر چہرے پہ اب ڈالو سوالی نظریں
اس کے کوچے کا پتہ تم تو نہ سب سے پوچھو
مجھ سے کیا پوچھتے ہو سارے ہی لمحوں کا حساب
مل کے جس موڑ سے ہم بچھڑے ہیں تب سے پوچھو
حرف حق کہنے میں کیا کیا نہ ہوئے ہم پہ ستم
پوچھنا ہی ہے تو بوجہل و لہب سے پوچھو
جنبش لب کی تمہیں بھی ہے اجازت انجمؔ
بات جو پوچھو بہرحال ادب سے پوچھو
انجم عرفانی 
(810) ووٹ وصول ہوئے
Aur Kuchh Yaad Nahin Ab Se Na Tab Se Puchho In Urdu By Famous Poet Anjum Irfani. Aur Kuchh Yaad Nahin Ab Se Na Tab Se Puchho is written by Anjum Irfani. Enjoy reading Aur Kuchh Yaad Nahin Ab Se Na Tab Se Puchho Poem on Inspiration for Students, Youth, Girls and Boys by Anjum Irfani. Free Dowlonad Aur Kuchh Yaad Nahin Ab Se Na Tab Se Puchho by Anjum Irfani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends