جہاں در تھا وہاں دیوار کیوں ہے
جہاں در تھا وہاں دیوار کیوں ہے
الگ نقشے سے یہ معمار کیوں ہے
خدا آزاد تھا حاکم کی حد سے
خدا کے شہر میں سرکار کیوں ہے
بہت آسان ہے مل جل کے بہنا
ندی اور دھار میں پیکار کیوں ہے
ہزاروں رنگ کے پھولوں سے کھنچ کر
بنا ہے شہد تو بیکار کیوں ہے
کسی بھی سمت سے آ کر پرندے
سجائیں جھیل تو آزار کیوں ہے
تری محفل میں سب بیٹھے ہیں آ کر
ہمارا بیٹھنا دشوار کیوں ہے
بنا کر رکھ تو گھر اچھا رہے گا
تو مالک بن کرایہ دار کیوں ہے
تمہارے ساتھ ہم آگے بڑھے تھے
ہماری پیٹھ پر تلوار کیوں ہے
خدا سے کیا رقابت ہے صنم کی
رہ مسجد نظر میں خار کیوں ہے
عبارت میں نہ کر تحریف بے جا
ہمارے نام سے بیزار کیوں ہے
پرندے کو جو موقع دو دکھا دے
بندھے پر کا سفر لاچار کیوں ہے
پڑوسی ہو تو پھل یا پھول لاتے
تمہارے ہاتھ میں ہتھیار کیوں ہے
زمیں پھیلی ہوئی ہے آسماں تک
بس اک ٹکڑے پہ یوں تکرار کیوں ہے
انیس انصاری 
(710) ووٹ وصول ہوئے
Jahan Dar Tha Wahan Diwar Kyun Hai In Urdu By Famous Poet Anees Ansari. Jahan Dar Tha Wahan Diwar Kyun Hai is written by Anees Ansari. Enjoy reading Jahan Dar Tha Wahan Diwar Kyun Hai Poem on Inspiration for Students, Youth, Girls and Boys by Anees Ansari. Free Dowlonad Jahan Dar Tha Wahan Diwar Kyun Hai by Anees Ansari in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends