ترے گیسوؤں کے سائے میں جو ایک پل رہا ہوں
ترے گیسوؤں کے سائے میں جو ایک پل رہا ہوں
ابھی تک ہے یاد مجھ کو ابھی تک بہل رہا ہوں
میں وہ رند نو نہیں ہوں جو ذرا سی پی کے بہکوں
ابھی اور اور ساقی کہ میں پھر سنبھل رہا ہوں
نہیں غم نہ مل سکے گی مجھے شیخ تیری جنت
مجھے آرزو نہیں ہے نہ میں ہاتھ مل رہا ہوں
جو نہ میرے کام آئے جو نہ میری بات مانے
میں وہ دل بدل رہا ہوں میں وہ دل بدل رہا ہوں
مجھے جادۂ طلب میں رہ پر خطر کا کیا غم
کہ قدم جدھر اٹھے ہیں اسی سمت چل رہا ہوں
جو گرا تو پھر اٹھوں گا کہ جواں ہے عزم میرا
مجھے تم نہ دو سہارا میں اگر پھسل رہا ہوں
وہ دبا کے میرا دامن وہ جھکا کے ان کی نظریں
نہیں بھولتا یہ کہنا ابھی میں بھی چل رہا ہوں
انیس احمد انیس 
(867) ووٹ وصول ہوئے
Tere Gesuon Ke Sae Mein Jo Ek Pal Raha Hun In Urdu By Famous Poet Anees Ahmad Anees. Tere Gesuon Ke Sae Mein Jo Ek Pal Raha Hun is written by Anees Ahmad Anees. Enjoy reading Tere Gesuon Ke Sae Mein Jo Ek Pal Raha Hun Poem on Inspiration for Students, Youth, Girls and Boys by Anees Ahmad Anees. Free Dowlonad Tere Gesuon Ke Sae Mein Jo Ek Pal Raha Hun by Anees Ahmad Anees in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends