قہر کی کیوں نگاہ ہے پیارے
قہر کی کیوں نگاہ ہے پیارے
کیا محبت گناہ ہے پیارے
دل کو اپنی ہی جلوہ گاہ سمجھ
آ نظر فرش راہ ہے پیارے
پھیر لی تو نے جب سے اپنی نظر
میری دنیا سیاہ ہے پیارے
شک بھی کس پر مری محبت پر
جس کا تو خود گواہ ہے پیارے
تیری معصوم سی نظر کی قسم
یہی وجہ گناہ ہے پیارے
دو نگاہیں جہاں پہ مل جائیں
عشق کی شاہراہ ہے پیارے
منہ جو سی دیتی تھی شکایت کا
اب کدھر وہ نگاہ ہے پیارے
جو بظاہر نہیں مری جانب
وہ نظر بے پناہ ہے پیارے
سچ بتا کچھ خفا ہے تو مجھ سے
یا حیا سد راہ ہے پیارے
اجنبی بن رہی ہے تیری نظر
ختم کیا رسم و راہ ہے پیارے
راہ الفت میں ٹھہرنا کیسا
دم بھی لینا گناہ ہے پیارے
دل سی شے اور ناپسند تجھے
اپنی اپنی نگاہ ہے پیارے
نیک ارادوں کے سنگ ریزوں پر
شاہراہ گناہ ہے پیارے
لب پہ آتی ہے جو ہنسی بن کر
ایک ایسی بھی آہ ہے پیارے
عشق میں وہ بھی ایک وقت ہے جب
بے گناہی گناہ ہے پیارے
اور ملاؔ کو کیا مٹاتے ہو
وہ تو یوں ہی تباہ ہے پیارے
آنند نرائن ملا 
(741) ووٹ وصول ہوئے
Qahr Ki Kyun Nigah Hai Pyare In Urdu By Famous Poet Anand Narayan Mulla. Qahr Ki Kyun Nigah Hai Pyare is written by Anand Narayan Mulla. Enjoy reading Qahr Ki Kyun Nigah Hai Pyare Poem on Inspiration for Students, Youth, Girls and Boys by Anand Narayan Mulla. Free Dowlonad Qahr Ki Kyun Nigah Hai Pyare by Anand Narayan Mulla in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends