Qadam Qadam Pe Hamein Rang-o-bu Ka Dhoka Hai
qadam qadam pe hamein rang-o-bu ka dhoka hai
KHizan-nasib rafiqo ye daur kaisa hai
jo tu kahe use chhu kar zara yaqin kar lun
teri jabin pe mujhe chandni ka dhoka hai
meri nigah ne baKHshi hai husn ko raunaq
nasim-e-subh se phulon ka rang bikhra hai
bina-e-sher hai mera mushahida 'ishrat'
mere kalam mein har dil ka dard hota hai
Amrit Lal Ishrat 
(705) Peoples Rate This