اٹھ
اٹھ کہ خورشید آسماں پر جلوہ افشاں ہو گیا
اٹھ کہ گویا تیری بیداری کا ساماں ہو گیا
اٹھ کہ پہنچا چاہتے ہیں غیر منزل کے قریب
تو بدلتا ہے ابھی تک کروٹیں اے بد نصیب
اٹھ کہ جد و جہد سے ہو تیری ہستی کامیاب
خواب آخر خواب ہے کب تک رہے گا محو خواب
اٹھ کہ دنیا کو ترے ذوق طلب سے کام ہے
زندگی کیا ہے فقط سعیٔ عمل کا نام ہے
اٹھ کہ بے رونق نظر آتا ہے اب صحن چمن
بلبل و طوطی پہ سبقت لے گئے زاغ و زغن
اٹھ کہ جینا ہے تو قانون خدا پر غور کر
لیس لی الانسان الا ما سعیٰ پر غور کر
اٹھ کہ دنیا تک رہی ہے پے بہ پے تیری طرف
دیکھ چشم غور سے اک بار تو اپنی طرف
اٹھ کہ تیرے ہاتھ میں ایقان کی شمشیر ہے
تو اگر چاہے تو یہ دنیا ترا نخچیر ہے
اٹھ کہ بے ذوق عمل یہ تیغ بھی بے کار ہے
تو بھی تیری زندگی بھی نقش بر دیوار ہے
امجد نجمی 
(840) ووٹ وصول ہوئے
UTh In Urdu By Famous Poet Amjad Najmi. UTh is written by Amjad Najmi. Enjoy reading UTh Poem on Inspiration for Students, Youth, Girls and Boys by Amjad Najmi. Free Dowlonad UTh by Amjad Najmi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends