افکار پریشاں
یہ عروج دولت قیصری یہ شکوہ تاج سکندری
کہ یہاں تو خون غریب سے ہے تپش میں نبض تونگری
وہی خواجگی وہی خسروی وہی رنگ و نسل کی برتری
یہی ہے تمدن مغربی کوئی مجھ سے سن لے کھری کھری
جو ہے طرز بادہ کشاں یہی جو ہے میکدے کا سماں یہی
خم و شیشہ میں مئے لالہ گوں یوں ہی سڑ رہے گی دھری دھری
یہ زمانہ کیسا بدل گیا نہ وہ ولولے نہ وہ حوصلے
کسی وقت تھے جو صنم شکن وہ ہیں آج وقف صنم گری
مرے دل پہ برق سی گر پڑی یہ کہا جو مرغ اسیر نے
مرے آشیانے کی شاخ بھی کبھی تھی چمن میں ہری بھری
وہی آہ اصل میں آہ ہے وہی نالہ اصل میں نالہ ہے
کہ ادھر جو دل سے نکل پڑے تو ادھر فلک میں ہو تھرتھری
یہ ستم ظریفیٔ عہد نو بھی ہے نجمیؔ کتنی عجیب سی
کہ جو گمرہی میں ہے مبتلا ہے اسی کو دعویٰ رہبری
امجد نجمی 
(1259) ووٹ وصول ہوئے
Afkar-e-pareshan In Urdu By Famous Poet Amjad Najmi. Afkar-e-pareshan is written by Amjad Najmi. Enjoy reading Afkar-e-pareshan Poem on Inspiration for Students, Youth, Girls and Boys by Amjad Najmi. Free Dowlonad Afkar-e-pareshan by Amjad Najmi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends