نہ آسماں سے نہ دشمن کے زور و زر سے ہوا
نہ آسماں سے نہ دشمن کے زور و زر سے ہوا
یہ معجزہ تو مرے دست بے ہنر سے ہوا
قدم اٹھا ہے تو پاؤں تلے زمیں ہی نہیں
سفر کا رنج ہمیں خواہش سفر سے ہوا
میں بھیگ بھیگ گیا آرزو کی بارش میں
وہ عکس عکس میں تقسیم چشم تر سے ہوا
سیاہی شب کی نہ چہروں پہ آ گئی ہو کہیں
سحر کا خوف ہمیں آئینوں کے ڈر سے ہوا
کوئی چلے تو زمیں ساتھ ساتھ چلتی ہے
یہ راز ہم پہ عیاں گرد رہ گزر سے ہوا
ترے بدن کی مہک ہی نہ تھی تو کیا رکتے
گزر ہمارا کئی بار یوں تو گھر سے ہوا
کہاں پہ سوئے تھے امجدؔ کہاں کھلیں آنکھیں
گماں قفس کا ہمیں اپنے بام و در سے ہوا
امجد اسلام امجد 
(1041) ووٹ وصول ہوئے
Na Aasman Se Na Dushman Ke Zor O Zar Se Hua In Urdu By Famous Poet Amjad Islam Amjad. Na Aasman Se Na Dushman Ke Zor O Zar Se Hua is written by Amjad Islam Amjad. Enjoy reading Na Aasman Se Na Dushman Ke Zor O Zar Se Hua Poem on Inspiration for Students, Youth, Girls and Boys by Amjad Islam Amjad. Free Dowlonad Na Aasman Se Na Dushman Ke Zor O Zar Se Hua by Amjad Islam Amjad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends