Khel Usne Dikha Ke Jadu Ke
khel us ne dikha ke jadu ke
meri sochon ke qafile luTe
ya to dhaDkan hi band ho jae
ya ye KHamoshi-e-faza TuTe
tum jahan bhi ho mere dil mein ho
tum mere pas the to har-su the
naghma-e-gul ki bas aati hai
tar kis ne hilae KHushbu ke
us ko laen to ek baat bhi hai
warna sab dost aashna jhuTe
naKHl-e-ummid sabz hai 'amjad'
lakh jhakkaD chala kiye lu ke
Amjad Islam Amjad 
(1012) Peoples Rate This