اپنے حصے کی انا دوں تو انا دوں کس کو
اپنے حصے کی انا دوں تو انا دوں کس کو
اپنی نظروں سے گرا دوں تو گرا دوں کس کو
زندگی کا یہ مری کون ہے قاتل جانے
میں ہوں مشکل میں سزا دوں تو سزا دوں کس کو
دوستی میں بھی ہے رنجش کی کہانی کہ مری
اس کہانی کو بتا دوں تو بتا دوں کس کو
مدتوں سے ہیں ملی ٹھوکریں مجھ کو جو یہاں
عشق بازی میں وفا دوں تو وفا دوں کس کو
وار سب پیٹھ پہ کرتے ہیں یوں دل میں رہ کر
تو بتا دے میں دعا دوں تو دعا دوں کس کو
بات کرتی ہی نہیں اب تو یہ تنہائی بھی
من کی ہر بات سنا دوں تو سنا دوں کس کو
ہر کوئی جوجھ رہا ہے یہاں اپنے غم سے
درد غم کی یہ دوا دوں تو دوا دوں کس کو
کون لائے گا مری چٹھیاں خوشیوں والی
اپنے گھر کا میں پتہ دوں تو پتہ دوں کس کو
غم میں ڈوبا ہوا رہتا ہوں میں اب ہر لمحہ
میتؔ یہ جام پلا دوں تو پلا دوں کس کو
امت شرما میت 
(909) ووٹ وصول ہوئے
Apne Hisse Ki Ana Dun To Ana Dun Kis Ko In Urdu By Famous Poet Amit Sharma Meet. Apne Hisse Ki Ana Dun To Ana Dun Kis Ko is written by Amit Sharma Meet. Enjoy reading Apne Hisse Ki Ana Dun To Ana Dun Kis Ko Poem on Inspiration for Students, Youth, Girls and Boys by Amit Sharma Meet. Free Dowlonad Apne Hisse Ki Ana Dun To Ana Dun Kis Ko by Amit Sharma Meet in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends