درد بڑھتا گیا جتنے درماں کیے پیاس بڑھتی گئی جتنے آنسو پیے
درد بڑھتا گیا جتنے درماں کیے پیاس بڑھتی گئی جتنے آنسو پیے
اور جب دامن ضبط چھٹنے لگا ہم نے خوابوں کے جھوٹے سہارے لیے
عشق بڑھتا رہا سوئے دار و رسن زخم کھاتا ہوا مسکراتا ہوا
راستہ روکتے روکتے تھک گئے زندگی کے بدلتے ہوئے زاویے
گم ہوئی جب اندھیروں میں راہ وفا ہم نے شمع جنوں سے اجالا کیا
جب نہ پائی کوئی شکل بخیہ گری ہم نے کانٹوں سے زخموں کے منہ سی لیے
اس کے وعدوں سے اتنا تو ثابت ہوا اس کو تھوڑا سا پاس تعلق تو ہے
یہ الگ بات ہے وہ ہے وعدہ شکن یہ بھی کچھ کم نہیں اس نے وعدے کیے
ختم ہونے کو ہے قصۂ زندگی اب ہمیں آپ سے کوئی شکوہ نہیں
ٹل نہ جائے کہیں موت آئی ہوئی پرسش غم کی زحمت نہ فرمائیے
جب حجابوں میں پنہاں تھا حسن بتاں بت پرستی کا بھی ایک معیار تھا
اب تو ہر موڑ پر بت ہی بت جلوہ گر اب کہاں تک بتوں کو خدا مانیے
کتنے ارباب ہمت نے ان کے لیے بڑھ کے میدان میں جان بھی ہار دی
اب بھی ان کی نگاہوں میں ہے بد ظنی اب بھی ان کو وفا کی سند چاہیے
جس نے لوٹا تھا اس کو سلامی ملی ہم لٹے ہم کو ملزم بتایا گیا
مست آنکھوں پہ الزام آیا نہیں ہم پہ لگتی رہیں تہمتیں بن پیے
جس نے عامرؔ متاع خودی بیچ دی سچ یہ ہے عصمت زندگی بیچ دی
سر جھکانے سے بہتر ہے سر دیجیے بھیک لینے سے بہتر ہے مر جائیے
عامر عثمانی 
(4909) ووٹ وصول ہوئے
Dard BaDhta Gaya Jitne Darman Kiye Pyas BaDhti Gai Jitne Aansu Piye In Urdu By Famous Poet Amir Usmani. Dard BaDhta Gaya Jitne Darman Kiye Pyas BaDhti Gai Jitne Aansu Piye is written by Amir Usmani. Enjoy reading Dard BaDhta Gaya Jitne Darman Kiye Pyas BaDhti Gai Jitne Aansu Piye Poem on Inspiration for Students, Youth, Girls and Boys by Amir Usmani. Free Dowlonad Dard BaDhta Gaya Jitne Darman Kiye Pyas BaDhti Gai Jitne Aansu Piye by Amir Usmani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends