KHayal-e-yar Ka Sikka Uchhaalne Mein Gaya
KHayal-e-yar ka sikka uchhaalne mein gaya
junun KHarita-e-zar tha sambhaalne mein gaya
lahu jigar ka hua sarf-e-rang-e-dast-e-hina
jo sauda sar mein tha sahra khangalne mein gaya
gurez-pa tha bahut husn-para-e-hasti
so arsa umr ka zanjir Dalne mein gaya
nihaal yaadon ki chandi mein shab to din sara
kisi ke zikr ka sona uchhaalne mein gaya
thi dast-gah bayan par magar kamal-e-hunar
gham-e-hayat ke qisson ko Talne mein gaya
Amir Hamza Saqib 
(854) Peoples Rate This