Ghazlon Se Tajsim Hui Takmil Hui
ghazlon se tajsim hui takmil hui
nuqte nuqte se meri tarsil hui
noch rahi hai ruh ke reshe reshe ko
ek KHwahish jo rafta rafta chil hui
marne laga rag rag mein saffaki ka zahr
shahr-e-dil ki aab-o-hawa tabdil hui
ek jahan-e-la-yani gharqab hua
ek jahan-e-mani ki tashkil hui
misr-e-jaan 'saqib' sabz o shadab hua
jab se aankh meri dariya-e-nil hui
Amir Hamza Saqib 
(1004) Peoples Rate This