ہیں نہ زندوں میں نہ مردوں میں کمر کے عاشق
ہیں نہ زندوں میں نہ مردوں میں کمر کے عاشق
نہ ادھر کے ہیں الٰہی نہ ادھر کے عاشق
ہے وہی آنکھ جو مشتاق ترے دید کی ہو
کان وہ ہیں جو رہیں تیری خبر کے عاشق
جتنے ناوک ہیں کماندار ترے ترکش میں
کچھ مرے دل کے ہیں کچھ میرے جگر کے عاشق
برہمن دیر سے کعبے سے پھر آئے حاجی
تیرے در سے نہ سرکنا تھا نہ سرکے عاشق
آنکھ دکھلاؤ انہیں مرتے ہوں جو آنکھوں پر
ہم تو ہیں یار محبت کی نظر کے عاشق
چھپ رہے ہوں گے نظر سے کہیں عنقا کی طرح
توبہ کیجے کہیں مرتے ہیں کمر کے عاشق
بے جگر معرکۂ عشق میں کیا ٹھہریں گے
کھاتے ہیں خنجر معشوق کے چرکے عاشق
تجھ کو کعبہ ہو مبارک دل ویراں ہم کو
ہم ہیں زاہد اسی اجڑے ہوئے گھر کے عاشق
کیا ہوا لیتی ہیں پریاں جو بلائیں تیری
کہ پری زاد بھی ہوتے ہیں بشر کے عاشق
بے کسی درد و الم داغ تمنا حسرت
چھوڑے جاتے ہیں پس مرگ یہ ترکے عاشق
بے سبب سیر شب ماہ نہیں ہے یہ امیرؔ
ہو گئے تم بھی کسی رشک قمر کے عاشق
امیر مینائی 
(1027) ووٹ وصول ہوئے
Hain Na Zindon Mein Na Murdon Mein Kamar Ke Aashiq In Urdu By Famous Poet Ameer Minai. Hain Na Zindon Mein Na Murdon Mein Kamar Ke Aashiq is written by Ameer Minai. Enjoy reading Hain Na Zindon Mein Na Murdon Mein Kamar Ke Aashiq Poem on Inspiration for Students, Youth, Girls and Boys by Ameer Minai. Free Dowlonad Hain Na Zindon Mein Na Murdon Mein Kamar Ke Aashiq by Ameer Minai in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends