ایک خواہش
تیرا چہرہ سادہ کاغذ
ہے تأثر کورا کورا
داغ ہے کوئی نہ کوئی نقش ہے!
کیوں یہ کھڑکی بند ہے؟
آ تجھے اپنے لبوں سے چوم کر
تیرے چہرے کو بنا دوں ایک اچھی سی بیاض
تاکہ اس پر ہری گھڑی بنتے رہیں مٹتے رہیں
تیرے اندر گھومتے پھرتے ہوئے
ناشنیدہ اور نا گفتہ حروف
آ یہ کھڑکی کھول دوں
تاکہ تیرا اندروں
(تیری پلکوں کی چقوں تک ہی سہی) باہر تو آئے
سادہ کاغذ پر کوئی تحریر ہو
چوکھٹے میں کوئی تو تصویر ہو
ورنہ یہ بن جائے گا اخبار
کاروبار این و آں کا اشتہار
وقت کے تلووں سے قطرہ قطرہ خوں
تیرے چہرے پر ٹپکتا جائے گا جم جائے گا
ناشنیدہ اور نا گفتہ حروف
گڈ مڈا جائیں گے ہو جائیں گے 'جمبل اپ' بہم
بند کھڑکی کے پٹوں پر شوخ لڑکے
کچھ کا کچھ لکھتے رہیں گے
عمیق حنفی 
(1004) ووٹ وصول ہوئے
Ek KHwahish In Urdu By Famous Poet Ameeq Hanafi. Ek KHwahish is written by Ameeq Hanafi. Enjoy reading Ek KHwahish Poem on Inspiration for Students, Youth, Girls and Boys by Ameeq Hanafi. Free Dowlonad Ek KHwahish by Ameeq Hanafi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends