کھڑکی
میری جیسی نظمیں لکھنے والی لڑکی
جس کھڑکی کی اوٹ سے مجھ کو دیکھ رہی ہے
اس کے دھندلے شیشوں پر سب عکس ہیں
میری آنکھوں سے بہتے پانی کے
اور نقش ہیں اس کی چوکھٹ پر ان ہاتھوں کے
اس کھڑکی کی آنکھوں سے دیکھا ہے میں نے
اچھا اور برا لمحہ
اور اندر اور باہر کے سب موسم وہیں سے گزرے ہیں
اس کھڑکی کے آگے گرتا ہر منظر تصویر کیا
دن کی اجلی آہٹ کو تعبیر کیا
رات ستاروں سے بھر کر شیشوں میں انڈیلی
اپنی آنکھیں دے کر طاق میں پھولوں جیسے خواب سجائے
اپنے تن پر گرد لپیٹی
کھڑکی پر کہیں جم نہیں جائے
باہر سے آتے کنکر پتھر اور کانٹے
چپکے سے اس دل میں چھپائے
کھڑکی کا کوئی بھی شیشہ ٹوٹ نہ جائے
بس اتنی سی بات کا کوئی دھیان نہ آیا
کھڑکی آخر کسی بھی سمت کو کھل سکتی ہے
میری ریاضت میری محبت
تند ہوا کے اس جھونکے سے
اور بارش کی تیز پھوار سے
چند لمحوں میں گھل سکتی ہے
دھل سکتی ہے
عنبرین صلاح الدین 
(983) ووٹ وصول ہوئے
KhiDki In Urdu By Famous Poet Ambarin Salahuddin. KhiDki is written by Ambarin Salahuddin. Enjoy reading KhiDki Poem on Inspiration for Students, Youth, Girls and Boys by Ambarin Salahuddin. Free Dowlonad KhiDki by Ambarin Salahuddin in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends