رستہ روکتی خاموشی نے کون سی بات سنانی ہے
رستہ روکتی خاموشی نے کون سی بات سنانی ہے
رات کی آنکھیں جان رہی ہیں کس کے پاس کہانی ہے
آنکھ نے وحشت اوڑھی ہے یا منظر میں حیرانی ہے
دشت نے دامن جھاڑ کے پوچھا اب کیسی ویرانی ہے
منظر ہے کھڑکی کے اندر یا ہے کھڑکی سے باہر
گردوں کی گیرائی ہے یا خاک نے چادر تانی ہے
کوندے سے لپکے پڑتے ہیں چٹکی بھر نیلاہٹ سے
تاروں میں منظر کھلنے سے پہلے کی حیرانی ہے
سارے سنگ میل بھی منزل ہو سکتے ہیں بھید کھلا
ہاتھوں کی ریکھاؤں میں ہر منزل ایک نشانی ہے
آپ کہیں تو تین زمانے ایک ہی لہر میں بہہ نکلیں
آپ کہیں تو ساری باتوں میں ایسی آسانی ہے
روز و شب کے بندھن کھول کے وقت کا دریا چل نکلے
آپ کہیں تو دانائی ہے ہم کہہ دیں نادانی ہے
رات کی چادر تہہ ہونے تک دھوپ کا جادو کھلنے تک
دروازے کے بند کواڑوں سے اک بات چھپانی ہے
جتنے پل تک رقص کریں گی کرنیں برف کی قاشوں پر
کوہساروں کے دامن میں بھی تب تک ایک کہانی ہے
عنبرین صلاح الدین 
(909) ووٹ وصول ہوئے
Rasta Rokti KHamoshi Ne Kaun Si Baat Sunani Hai In Urdu By Famous Poet Ambarin Salahuddin. Rasta Rokti KHamoshi Ne Kaun Si Baat Sunani Hai is written by Ambarin Salahuddin. Enjoy reading Rasta Rokti KHamoshi Ne Kaun Si Baat Sunani Hai Poem on Inspiration for Students, Youth, Girls and Boys by Ambarin Salahuddin. Free Dowlonad Rasta Rokti KHamoshi Ne Kaun Si Baat Sunani Hai by Ambarin Salahuddin in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends