جانے کس بات سے دکھا ہے بہت
جانے کس بات سے دکھا ہے بہت
دل کئی روز سے خفا ہے بہت
سب ستارے دلاسہ دیتے ہیں
چاند راتوں کو چیختا ہے بہت
پھر وہی رات مجھ میں ٹھہری ہے
پھر سماعت میں شور سا ہے بہت
تم زمانے کی بات کرتے ہو
میرا مجھ سے بھی فاصلہ ہے بہت
اس کی دکھتی نسیں نہ پھٹ جائیں
دل مسلسل یہ سوچتا ہے بہت
واسطہ کچھ ضرور ہے تم سے
تم کو وہ شخص پوچھتا ہے بہت
تم سے بچھڑا تو ٹوٹ جائے گا
اس کی آنکھوں میں حوصلہ ہے بہت
چکھ کے دیکھو اسے کبھی تم بھی
اس اداسی میں ذائقہ ہے بہت
ان کی سانسیں گنی چنی ہیں بس
خون لمحوں کا بہہ گیا ہے بہت
دشت کو کر لیا تھا گھر میں نے
اب مجھے گھر یہ کاٹتا ہے بہت
اس سے باہر نکل نہ پاؤ گے
دشت ماضی کا یہ گھنا ہے بہت
میرا سکھ دکھ سمجھتی ہیں غزلیں
زندگی کو یہ آسرا ہے بہت
آلوک مشرا 
(957) ووٹ وصول ہوئے
Jaane Kis Baat Se Dukha Hai Bahut In Urdu By Famous Poet Alok Mishra. Jaane Kis Baat Se Dukha Hai Bahut is written by Alok Mishra. Enjoy reading Jaane Kis Baat Se Dukha Hai Bahut Poem on Inspiration for Students, Youth, Girls and Boys by Alok Mishra. Free Dowlonad Jaane Kis Baat Se Dukha Hai Bahut by Alok Mishra in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends