ورکنگ لیڈی
میں جب بھی گھر پہ آتی ہوں
بہت سی چیزیں لاتی ہوں
اور ان چیزوں میں اکثر
خود کو رکھ کر بھول جاتی ہوں
پتا اس وقت چلتا ہے
کہ جب تکیے پہ رکھنے کو
مجھے سر ہی نہیں ملتا
میسر خواب کیسے ہوں
کہ آنکھیں ہی نہیں ہوتیں
تھکن سے چور ہاتھوں کی
میں جب جب سسکیاں سنتی ہوں
اپنی کرچیاں چنتی ہوں
پہلو میں کہیں دل بھی نہیں ملتا
مجھے بس پاؤں ملتے ہیں جو پاؤں پاؤں چلتے
مجھے لے جاتے ہیں اک ایسے کمرے میں
جہاں پر کوئی میرا جسم اوڑھے سو رہا ہے
یہ کس نے سوئیاں سی روح میں میری چبھو دی ہیں
میں خود کو توڑ دیتی ہوں وہیں پر چھوڑ دیتی ہوں
سو بس چپ چاپ گھر کی سیڑھیوں پر بیٹھ جاتی ہوں
ہوائیں بین کرتیں جب برابر سے گزرتی ہیں
پکڑ کر ہاتھ ان کا پاس ہی اپنے بٹھاتی ہوں
نئے کچھ دیپ روشن کر کے خود بھی مسکراتی ہوں
ذرا سی ایک عورت ہوں
دیوں کی لو میں لیکن جگمگاتی ہوں
الماس شبی 
(717) ووٹ وصول ہوئے
Working Lady In Urdu By Famous Poet Almas Shabi. Working Lady is written by Almas Shabi. Enjoy reading Working Lady Poem on Inspiration for Students, Youth, Girls and Boys by Almas Shabi. Free Dowlonad Working Lady by Almas Shabi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends