Hawaon Mein Dilon Ka Karwan Hai
hawaon mein dilon ka karwan hai
muqaddas ishq jab se mehrban hai
mere dil ko sukun aaya yahin par
baDa maKHsus tera aastan hai
wo mujh se dur jaega bhi kaise
jo meri ruh ke andar nihan hai
mohabbat ke safar par jao lekin
wahan har moD par ek imtihan hai
mere dil par usi ki hai hukumat
lakiron mein meri jis ka nishan hai
chhupa sakti nahin us se main kuchh bhi
mera har raaz to us par ayan hai
firaq-o-wasl ki had se nikal kar
ajab se moD par ab dastan hai
milen hain chand lamhe khul ke ji len
wagarna zindagi to raegan hai
Alka Mishra 
(12632) Peoples Rate This