Ghamon Ki Dhup Mein Jalta Hun Misl-e-sahra Main
ghamon ki dhup mein jalta hun misl-e-sahra main
bichhaD gaya mera saya khaDa hun tanha main
koi bhi sath kahan tha rah-e-mohabbat mein
ye aur baat ki ab ho gaya akela main
kahin to bichhDe huon ka suragh paunga
nikal paDa hun yahi soch kar akela main
zamana mujh ko samajhne mein der karta raha
ye aur baat zamane ko bhi na samjha main
Ali Wijdan 
(824) Peoples Rate This