Aatish-e-ishq Mein Jalta Raha Bujhta Raha Dil
aatish-e-ishq mein jalta raha bujhta raha dil
ranj-e-betab se dariya kabhi sahra raha dil
ek safar han wo safar panw ki zanjir bana
baad ai yar teri yaad mein jalta raha dil
mahfil-arai ki KHwahish thi so dil us ke sabab
mahfil-ara raha viran raha tanha raha dil
mauja-e-KHun kisi sine mein ruka tha kal raat
dard uThta raha chubhta raha dukhta raha dil
Ali Wijdan 
(1387) Peoples Rate This