تمہارے اعجاز حسن کی میرے دل پہ لاکھوں عنایتیں ہیں
تمہارے اعجاز حسن کی میرے دل پہ لاکھوں عنایتیں ہیں
تمہاری ہی دین میرے ذوق نظر کی ساری لطافتیں ہیں
جواں ہے سورج جبیں پہ جس کے تمہارے ماتھے کی روشنی ہے
سحر حسیں ہے کہ اس کے رخ پر تمہارے رخ کی صباحتیں ہیں
میں جن بہاروں کی پرورش کر رہا ہوں زندان غم میں ہمدم
کسی کے گیسو و چشم و رخسار و لب کی رنگیں حکایتیں ہیں
نہ جانے چھلکائے جام کتنے نہ جانے کتنے سبو اچھالے
مگر مری تشنگی کہ اب بھی تری نظر سے شکایتیں ہیں
میں اپنی آنکھوں میں سیل اشک رواں نہیں بجلیاں لیے ہوں
جو سر بلند اور غیور ہیں اہل غم یہ ان کی روایتیں ہیں
میں رات کی گود میں ستارے نہیں شرارے بکھیرتا ہوں
سحر کے دل میں جو اپنے اشکوں سے بو رہا ہوں بغاوتیں ہیں
یہ شاعری نو کی پیغمبری زمانے کی داوری ہے
لبوں پہ میرے صحیفۂ انقلاب کی سرخ آیتیں ہیں
علی سردار جعفری 
(784) ووٹ وصول ہوئے
Tumhaare Eajaz-e-husn Ki Mere Dil Pe Lakhon Inayaten Hain In Urdu By Famous Poet Ali Sardar Jafri. Tumhaare Eajaz-e-husn Ki Mere Dil Pe Lakhon Inayaten Hain is written by Ali Sardar Jafri. Enjoy reading Tumhaare Eajaz-e-husn Ki Mere Dil Pe Lakhon Inayaten Hain Poem on Inspiration for Students, Youth, Girls and Boys by Ali Sardar Jafri. Free Dowlonad Tumhaare Eajaz-e-husn Ki Mere Dil Pe Lakhon Inayaten Hain by Ali Sardar Jafri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends