نیا مے کدے میں نظام آ گیا
نیا مے کدے میں نظام آ گیا
اٹھیں بندشیں اذن عام آ گیا
نظر میں وہ کیف دوام آ گیا
کہ گویا کسی کا پیام آ گیا
محبت میں وہ بھی مقام آ گیا
کہ مژگاں پہ خوں لب پہ نام آ گیا
سر راہ کانٹے بچھاتا ہے شوق
جنوں کو بھی کچھ اہتمام آ گیا
نہ الزام ان پر نہ اغیار پر
یہ دل آپ ہی زیر دام آ گیا
بدل ہی گیا بزم عشرت کا رنگ
مرا نغمۂ درد کام آ گیا
کدھر سے یہ سنکی مہکتی ہوا
کدھر سے وہ نازک خرام آ گیا
تماشا نہیں تھا مرا اضطراب
کوئی کیوں یہ بالائے بام آ گیا
بیاں ہو رہا تھا فسانہ مرا
مگر بار بار ان کا نام آ گیا
کبھی سامنے کچھ خموشی رہی
کبھی دور سے کچھ پیام آ گیا
جو دار و رسن سے بھی رکتا نہیں
سروں میں وہ سودائے خام آ گیا
وہ زیدیؔ وہی رند آتش نوا
وہ زندہ دلوں کا امام آ گیا
علی جواد زیدی 
(694) ووٹ وصول ہوئے
Naya Mai-kade Mein Nizam Aa Gaya In Urdu By Famous Poet Ali Jawwad Zaidi. Naya Mai-kade Mein Nizam Aa Gaya is written by Ali Jawwad Zaidi. Enjoy reading Naya Mai-kade Mein Nizam Aa Gaya Poem on Inspiration for Students, Youth, Girls and Boys by Ali Jawwad Zaidi. Free Dowlonad Naya Mai-kade Mein Nizam Aa Gaya by Ali Jawwad Zaidi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends