جو مقصد گریۂ پیہم کا ہے وہ ہم سمجھتے ہیں
جو مقصد گریۂ پیہم کا ہے وہ ہم سمجھتے ہیں
مگر جن کو سمجھنا چاہیئے تھا کم سمجھتے ہیں
ذرا میرے جنوں کی کاوش تعمیر تو دیکھیں
جو بزم زندگی کو درہم و برہم سمجھتے ہیں
ان آنکھوں میں نہیں نشتر خود اپنے دل میں پنہاں ہے
اب اتنی بات تو کچھ ہم بھی اے ہمدم سمجھتے ہیں
یہ ان کی مہربانی ہے یہ ان کی عزت افزائی
کہ میرے زخم کو وہ لائق مرہم سمجھتے ہیں
ہم اہل دل نے معیار محبت بھی بدل ڈالے
جو غم ہر فرد کا غم ہے اسی کو غم سمجھتے ہیں
جھجکتے سے قدم بہکی سی نظریں رکتی سی باتیں
یہ انداز تجاہل وہ ہے جس کو ہم سمجھتے ہیں
سلوک دوست بھی ہے اک اشارہ تیزگامی کا
ہم اہل کارواں آنچل کو بھی پرچم سمجھتے ہیں
ہٹو اہل خرد اہل جنوں کو جانے دو آگے
وہی کچھ راہ ہستی کے یہ پیچ و خم سمجھتے ہیں
پلک سے اس طرح ٹپکا کہ گویا اک کلی چٹکی
ہم اہل درد اشک غم کو بھی شبنم سمجھتے ہیں
خلوص ظاہری روزانہ اک محفل سجاتا ہے
سمجھتے وہ بھی ہیں لیکن ابھی کم کم سمجھتے ہیں
علی جواد زیدی 
(765) ووٹ وصول ہوئے
Jo Maqsad Girya-e-paiham Ka Hai Wo Hum Samajhte Hain In Urdu By Famous Poet Ali Jawwad Zaidi. Jo Maqsad Girya-e-paiham Ka Hai Wo Hum Samajhte Hain is written by Ali Jawwad Zaidi. Enjoy reading Jo Maqsad Girya-e-paiham Ka Hai Wo Hum Samajhte Hain Poem on Inspiration for Students, Youth, Girls and Boys by Ali Jawwad Zaidi. Free Dowlonad Jo Maqsad Girya-e-paiham Ka Hai Wo Hum Samajhte Hain by Ali Jawwad Zaidi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends