16 دسمبر آرمی پبلک اسکول پر حملہ
میرا بچہ راہم جب اسکول سے لوٹا
میں نے اس سے بستہ اپنے ہاتھ لے کر اس سے پوچھا
اتنا بھاری کیوں ہے بستہ
تین کتابیں لے کر تم اسکول گئے تھے
اک پانی کی بوتل تھی اور لنچ بکس تھا
اتنا بھاری کیوں ہے بستہ
بولا بابا میں کیا بولوں
روز تو یہ ہلکا ہوتا ہے
آج نہ جانے بھاری کیوں ہے
مجھ کو کچھ تشویش ہوئی تو
میں نے اس کا بستہ کھولا
کھول کے دیکھا
تین کتابیں نہیں تھیں اس میں چھ تھیں
پانی کی بوتل بھی ایک نہیں تھی
دو دو تھیں
لنچ بکس بھی دو تھے لیکن ایک ہی جیسے
راہم کا کچھ خالی تھا پر دوسرا پورا بھرا ہوا تھا
سوچا کیسے ہو سکتا ہے
یہ تو راہم کا بستہ ہے
اک بستے میں ساری چیزیں دو دو کیوں ہیں
ایک دم مجھ کو یاد آیا کہ
کل اسکول کے چھلنی بچوں میں اک بچہ
راہم جتنی عمر کا بھی تھا
بالکل راہم کے جیسا تھا
راہم جیسا ہی بستہ تھا
پانی بوتل بھی ویسی
لنچ بکس کا کلر وہی تھا
وہ بھی میرا ہی بچہ تھا
وہ بھی کل اسکول گیا تھا
آج اس نے اسکول کی چھٹی کر لی ہے
اب وہ چھٹی پر ہی رہے گا
اس کا بستہ روز اٹھا کر
میرا بچہ گھر آئے گا
علی عمران 
(2120) ووٹ وصول ہوئے
16 December Armi Public School Par Hamla In Urdu By Famous Poet Ali Imran. 16 December Armi Public School Par Hamla is written by Ali Imran. Enjoy reading 16 December Armi Public School Par Hamla Poem on Inspiration for Students, Youth, Girls and Boys by Ali Imran. Free Dowlonad 16 December Armi Public School Par Hamla by Ali Imran in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends